Sveitarstjórn Þingeyjarsveitar bókar umsögn um friðlýsingu Skjálfandafljóts

Eftirfarandi er liður úr fundgerð frá sveitarstjórnarfundi þann 4. desember 2008. Sjá einnig www.thingeyjarsveit.is

5. Friðlýsing alls vatnasviðs Skjálfandafljóts – umsögn

Sveitarstjóri lagði fram svohljóðandi drög að umsögn til umhverfisnefndar Alþingis um friðlýsingu alls vatnasviðs Skjálfandafljóts:

,,Þingeyjarsveit leggst eindregið gegn því að að allt vatnasvið Skjálfandafljóts verði friðlýst.

Margar ár og lækir renna í Skjálfandafljót. Bændur hafa víðsvegar á vatnasvæði Skjálfandafljóts sett upp litlar heimarafstöðvar og/eða smávirkjanir. Með friðlýsingu alls vatnasviðs Skjálfandafljóts væri verið að takamarka afkomumöguleika fólks á svæðinu verulega.

Friðun sjálfs Skjálfandafljóts og upptaka þess er allt annað mál. Nú er unnið að aðalskipulagi Þingeyjarsveitar og vonir standa til að því verði lokið um mitt næsta ár. M.a. hefur verið rætt um að friða fljótið en þar falla undir þeir staðir sem þegar eru á náttúruminjaskrá, eins og Goðafoss, Aldeyjarsfoss, Hrafnabjargarfoss og Þingey.

Rétt þykir að benda á að skipulagsvaldið á vatnasviði Skjálfandafljóts er á hendi Þingeyjarsveitar utan þess sem fellur undir hálendisskipulag. Það væri því í hæsta máta óeðlilegt að ríkisvaldið væri að grípa fram fyrir hendur sveitarfélagsins í skipulagsmálum meðan þau mál eru enn á vinnslustigi.“

Samþykkt samhljóða.

Til baka á forsíðu